Mae Cadwyn yn cyflogi dros 60 o staff sy’n gweithio mewn adrannau sy’n benodol i’r meysydd gwasanaeth a ddarparwn:
Mae Gwasanaethau Cymunedol a Thai’n gyfrifol am:
- Faterion yn gysylltiedig â thenantiaethau.
- Rhent, taliadau, budd-daliadau a chyngor am arian.
- Ymddygiad gwrth-gymdeithasol a materion yn gysylltiedig â chymdogion.
- Cyfranogiad preswylwyr.
- Gwasanaethau cymorth deiliaid.
- Gwasanaethau cwsmeriaid.
Mae’r adran Gwasanaethau Technegol yn gyfrifol am:
- Sicrhau bod atgyweiriadau’n cael eu cwblhau i safon uchel.
- Cynnal arolygiadau cynnal a chadw.
- Gwelliannau, fel ceginau ac ystafelloedd ymolchi.
- Gwaith arfaethedig arall fel gwrthseinio a gosod offer tân.
- Datblygu stoc tai newydd.
Mae gennym hefyd adrannau Cyllid, TG, Adnoddau Dynol a Chorfforaethol sy’n gweithio y tu ôl i’r llenni gan amlaf, ond maent yr un mor bwysig wrth sicrhau bod y sefydliad yn effeithiol.
Ers 2006, rydym wedi cyflogi is-adran llafur uniongyrchol – o’r enw Cadwyn Works – sy’n gwneud llawer o’r gwaith atgyweirio a chynnal a chadw yn ein heiddo. Maent yn caniatáu i ni gael mwy o reolaeth uniongyrchol dros brydlondeb a safon y gwaith a gyflawnir, a hyd yn hyn maent wedi bod yn boblogaidd.
Mae Chris O'Meara, ein Prif Weithredwr, yn bennaeth ar y sefydliad ac mae hi’n uniongyrchol gyfrifol i’r Bwrdd Rheoli sy’n penderfynu sut mae’r sefydliad yn cael ei reoli.
