Ar hyn o bryd, rydym yn berchen ar dros 1170 o gartrefi, ac mae’r rhain i gyd, ac eithrio 18 ohonynt, wedi’u lleoli yn ardaloedd mewnol Caerdydd.
- Lleolir 43 y cant o’i stoc yn ardal y Rhath.
- Lleolir 23 y cant ohono yn Nhrefaenor.
- Mae’r gweddill wedi ei ledaenu trwy Dreganna, Trelái, Cathays, Sblott a Gabalfa.
Mae gennym eiddo yng Nghaerffili hefyd. Mae tri chwarter y stoc presennol yn cael ei adfer, ac mae dros bum deg y cant ohono yn addas i bobl sengl neu gyplau heb blant. Ar hyn o bryd, mae Cadwyn yn cydweithio â nifer o bartneriaid gwirfoddol i ddarparu amrywiaeth o lety â chymorth. Mae ein heiddo’n darparu ar gyfer amrywiaeth o anghenion tai gan gynnwys teuluoedd a phobl sengl. Mae’r rhan fwyaf o’r eiddo yn eiddo hŷn sydd wedi cael ei droi’n fflatiau.
Rydym yn parhau i ehangu trwy adeiladu cartrefi modern a phwrpasol ar gyfer teuluoedd. Datblygir pob un o’n datblygiadau newydd yn unol â’n polisi Cynaladwyedd; mae hwn yn cynnwys ystyried deunyddiau adeiladu, cysylltiadau i gludiant cyhoeddus a dulliau adeiladu. Dyma enghraifft o ystâd dai gyfredol newydd yn Bishopston Road.
